Madridning “Real” klubi yana Kilian Mbappeni sotib olishga urinib ko‘radi.
1 yanvrdan boshlab, agar fransiyalik futbolchi shu vaqtgacha "PSJ" bilan shartnomasini uzaytirmasa, Madrid klubi sa’y-harakatlarini kuchaytirib, transfer borasida muzokaralar olib borishga harakat qiladi.
"Real Madrid" Mbappening onasi va agenti Faiza Lamari bilan bog‘lanadi va futbolchiga qaror qabul qilish uchun 15 kun muhlat beradi. Madridliklar endi uzoq muzokaralar o‘tkazmoqchi emas. Mbappe taklifni qabul qiladimi yoki yo‘qmi, 15 yanvargacha javob berishi kerak.
"Real" ham endi og‘zaki kelishuvlarga tayanmaydi va kelishuvni hujjatlashtirish niyatida. Gap dastlabki shartnoma va yozda tekin transfer haqida ketmoqda.
Agar Mbappe 15 yanvargacha taklifga javob bermasa, "Real" "Manchester Siti" hujumchisi Erling Xolandga e’tibor qaratadi va uni sotib olishga harakat qiladi. Qayd etilishicha, norvegiyalik futbolchi Dortmundning "Borussiya" klubida birga o‘ynagan yarim himoyachi Jud Bellingem bilan do‘st. Bundan tashqari, "Manchester Siti" hujumchisining Ispaniyaning Marbelye shahrida uyi bor.
