Каталониянинг «Барселона» клуби жорий мавсумда Испания чемпионатида ажойиб ўйин кўрсатаётган «Жирона»нинг чап қанот ярим ҳимоячиси Савиньони жиддий тарзда нишонга олмоқда.
Sport нашрининг хабарига кўра, 19 ёшли бразилиялик футболчи «кўк-анорранглиларнинг» 2024 йилдаги трансфер мақсадларидан бирига айланган.
Манбанинг таъкидлашича, «Барселона» спорт директори Деку аллақачон футболчининг атрофидагилар билан келаси ёзда амалга ошиши мумкин бўлган келишувни муҳокама қилиш учун алоқага чиққан.
Жорий мавсумда Савиньо Испания чемпионатида 14 та ўйин ўтказиб, 4 та гол урди ва 4 та голли узатмани амалга оширди.
