Англия Премьер-лигасининг 15-туридан ўрин олган учрашувда “Манчестер Юнайтед” ўз майдонида Лондоннинг “Челси” жамоасини қабул қилиб, 2:1 ҳисобида ғалаба қозонди.
Squawka хабарига кўра, "қизил иблислар" тарихда биринчи марта кетма-кет 12 учрашувдан бери "аристократлар" билан ўйинда мағлуб бўлмади. Жамоалар етти марта дуранг ўйнаган бўлса, беш марта “Манчестер Юнайтед” ғалаба қозонган.
Кечаги муваффақиятдан сўнг Эрик тен Хаг шогирдлари 27 очко жамғариб, Англия чемпионати турнир жадвалида олтинчи ўринда бормоқда. Кейинги турда манкунианликлар “Борнмут”га қарши баҳс олиб боради. Учрашув 9 декабрь куни бўлиб ўтади.
