Туриннинг "Ювентус" клуби ярим ҳимоячи Адриен Рабьога яна бир қисқа муддатли шартнома таклиф қилишни кўриб чиқмоқда. Эслатиб ўтамиз, ўтган ёзда франциялик футболчи билан жорий мавсум охиригача амал қиладиган шартнома имзоланган эди.

La Gazzetta dello Sport хабарига кўра, "кекса синьора" раҳбарияти Рабьога худди шу шартларда йилига 8 миллион евро маош билан шартнома таклиф қилмоқчи. Фақат муддат 2025 йилнинг ёзигача ҳисоблаб чиқилади.

Қайд этилишича, "Ювентус" вакиллари аллақачон Рабьонинг агенти ва онаси билан боғланишган. Манбанинг хабар беришича, томонлар ўртасида яхши муносабатлар мавжуд.