Turinning "Yuventus" klubi yarim himoyachi Adriyen Rabyoga yana bir qisqa muddatli shartnoma taklif qilishni ko‘rib chiqmoqda. Eslatib o‘tamiz, o‘tgan yozda fransiyalik futbolchi bilan joriy mavsum oxirigacha amal qiladigan shartnoma imzolangan edi.
La Gazzetta dello Sport xabariga ko‘ra, "keksa sinyora" rahbariyati Rabyoga xuddi shu shartlarda yiliga 8 million yevro maosh bilan shartnoma taklif qilmoqchi. Faqat muddat 2025 yilning yozigacha hisoblab chiqiladi.
Qayd etilishicha, "Yuventus" vakillari allaqachon Rabyoning agenti va onasi bilan bog‘lanishgan. Manbaning xabar berishicha, tomonlar o‘rtasida yaxshi munosabatlar mavjud.
