«Атлетико Мадрид» ва «Челси»нинг собиқ ҳимоячиси Филипе Луис 38 ёшида профессионал футболдаги фаолиятини якунлаганини эълон қилди.
Бразилиялик футболчининг сўнгги клуби «Фламенго» бўлиб, футболчининг шартномаси 31 декабрь куни якунига етади.
Эслатиб ўтамиз, Луис «Атлетико Мадрид» таркибида 333 та ўйин ўтказган. У «матрасчилар» сафида ўтказилган ўйинлар сони бўйича хорижлик футболчилар орасида биринчи ўринда туради.
Бразилиялик футболчи «Атлетико» билан 7 та турли совринларни қўлга киритган, шунингдек, жамоа билан икки марта Чемпионлар Лигаси финалига чиққан.
Луис «Челси»да 2014/15 йилги мавсумда ҳаракат қилди ва бу мавсумда Жозе Моуриньо бошчилигида Лига кубоги ва Англия премьер-лигасида ғолиб чиқди.
