«Atletiko Madrid» va «Chelsi»ning sobiq himoyachisi Filipe Luis 38 yoshida professional futboldagi faoliyatini yakunlaganini e’lon qildi.

Braziliyalik futbolchining so‘nggi klubi «Flamengo» bo‘lib, futbolchining shartnomasi 31 dekabr kuni yakuniga yetadi.

Eslatib o‘tamiz, Luis «Atletiko Madrid» tarkibida 333 ta o‘yin o‘tkazgan. U «matraschilar» safida o‘tkazilgan o‘yinlar soni bo‘yicha xorijlik futbolchilar orasida birinchi o‘rinda turadi.

Braziliyalik futbolchi «Atletiko» bilan 7 ta turli sovrinlarni qo‘lga kiritgan, shuningdek, jamoa bilan ikki marta Chempionlar Ligasi finaliga chiqqan.

Luis «Chelsi»da 2014/15 yilgi mavsumda harakat qildi va bu mavsumda Joze Mourinyo boshchiligida Liga kubogi va Angliya premyer-ligasida g‘olib chiqdi.