«Байер» ҳимоячиси Йосип Станишич ўз жамоасида мунтазам ўйин амалиёти йўқлиги билан қандай курашаётгани ҳақида гапириб берди.

Эслатиб ўтамиз, хорватиялик футболчи «фармацевтлар» сафида ижара асосида ўйнайди ва ҳозир ҳам «Бавария»га тегишли.

«Албатта, шахсан мен учун ҳаммаси яхши бўлиши мумкин эди. Ҳаммаси зўр десам, ёлғон гапирган бўламан.

Лекин мен жамоага ёрдам бериш учун келганман. Мен «Байер»га анча кеч келиб қўшилдим. Ҳар сафар майдонга тушганимда бор кучимни беришга ҳаракат қиламан.

Агар мен жамоага ёмон кайфият олиб келсам, бу ёрдам бермайди. Кайфиятим ёмонлашадиган кунлар бўлади, лекин бу менинг табиатим, чунки мен доим ўйнашни хоҳлайман», - дея Станишичнинг сўзларини келтиради Kicker.