«Bayer» himoyachisi Yosip Stanishich o‘z jamoasida muntazam o‘yin amaliyoti yo‘qligi bilan qanday kurashayotgani haqida gapirib berdi.
Eslatib o‘tamiz, xorvatiyalik futbolchi «farmasevtlar» safida ijara asosida o‘ynaydi va hozir ham «Bavariya»ga tegishli.
«Albatta, shaxsan men uchun hammasi yaxshi bo‘lishi mumkin edi. Hammasi zo‘r desam, yolg‘on gapirgan bo‘laman.
Lekin men jamoaga yordam berish uchun kelganman. Men «Bayer»ga ancha kech kelib qo‘shildim. Har safar maydonga tushganimda bor kuchimni berishga harakat qilaman.
Agar men jamoaga yomon kayfiyat olib kelsam, bu yordam bermaydi. Kayfiyatim yomonlashadigan kunlar bo‘ladi, lekin bu mening tabiatim, chunki men doim o‘ynashni xohlayman», - deya Stanishichning so‘zlarini keltiradi Kicker.
