"Вест Хэм" ҳужумчиси Жаррод Боуэн сафардаги ўйинларда ўзининг голли сериясини узайтирди.

26 ёшли футболчи Англия чемпионати 15-туридан ўрин олган ўйиннинг 52-дақиқасида “Тоттенхэм” дарвозасини ишғол қилиб, таблода 1:1 ҳисобини ўрнатди. "Opta" хабарига кўра, Боуэн Премьер-лиганинг сафарда кетма-кет еттита учрашувида гол урган тарихдаги учинчи футболчи бўлди. Илгари буни фақат машҳур собиқ ҳужумчилар Робин ван Перси (тўққизта ўйин) ва Серхио Агуэро (етти ўйин) амалга оширишган.

Жаррод Боуэн ушбу мавсумда Премьер-лиганинг 14 ўйинида жами тўққизта гол урди.