Каталониянинг "Барселона" клуби белидан операция қилинган дарвозабон Марк-Андре тер Штеген ҳақида баёнот берди.
"Марк-Андре тер Штеген муваффақиятли операция қилинди. У сафдан чиққан эди. Ўйинчининг мавжудлиги тикланиш тезлигига боғлиқ бўлади", - дейилади "кўк-анорранглилар"нинг расмий сайтида.
Эслатиб ўтамиз, Тер Штеген Германия терма жамоаси сафида жароҳат олганди. Футболчининг тикланиш муддати икки-уч ойни ташкил қилади.
Жорий мавсумда германиялик посбон каталонияликлар сафида 17 та ўйин ўтказди. Саккизта учрашувда Тер Штеген ўз дарвозаси дахлсизлигини сақлаб қолди.
