Франция терма жамоаси ва Лондоннинг «Арсенал» клуби собиқ ҳимоячиси Уилям Галлас «Манчестер Сити»нинг таназзулга учраши ҳақидаги фикрлари билан ўртоқлашди. «Шаҳарликлар» лигада кетма-кет тўртта ўйиндан бери ғалаба қозона олмаяпти.
«Гвардиола - дунёнинг энг яхши мураббийи. У нима қилишни билади. Пеп бу вазиятдан чиқишнинг тўғри йўлини топади. Ўйлайманки, биз кейинги ўйинларда ундан ўзгаришларни кўрамиз», - деди Галлас.
АПЛнинг сўнгги ўйинида «Манчестер Сити» «Астон Вилла»дан минимал 0:1 ҳисобида мағлуб бўлди. 15 турдан сўнг Гвардиола шогирдлари 30 очко жамғариб, АПЛ турнир жадвалида тўртинчи ўринни эгаллаб туришибди.
