Симоне Индзаги А Серияда "Интер" "Удинезе"ни мағлуб этганидан (4:0) хурсанд.

"Биз жуда яхши голлар урдик, йигитлар ажойиб ўйнашди. Мен бу ўйиндан қўрқандим, чунки уч ҳафта олдин "Удинезе" "Милан"ни қандай мағлуб этганини шу стадионда кўрганман. Бу жамоа ҳозирда жадвалнинг қуйи ярмида жойлашган, аммо унинг даражаси кутилганидан юқорироқ. У хавфли қарши ҳужумга ўтиши мумкин, аммо йигитлар охиригача тўғри муносабат ва интенсивликни сақлаб, топшириқни аъло даражада бажаришди.

Биз ажойиб жамоага муносиб жавоб бердик. Биз ўзимизга эътибор қаратишимиз ва бошқа жойда нима бўлаётгани ҳақида ўйламаслигимиз керак. Биз кўпинча "Ювентус"дан кейин ўйнаймиз, лекин бунга аллақачон ўрганиб қолганмиз", - деди "Интер" бош мураббийи Sky Sport Italia телеканалида.