Лига 1 15-турида “ПСЖ” ўз майдонида “Нант”ни мағлуб этди – 2:1.

Бу парижликларнинг чемпионатдаги қаторасига 8-ғалабаси бўлди – парижликлар охирги марта 30 сентябрь куни “Клермон” билан ўйинда (1:1) 3 очко қўлга кирита олмаганди. Шундан сўнг улар кетма-кет 24 очко жамғариб, ҳар бир ўйинда камида 2 тадан гол уришди.

Топ-5 лига клублари орасида бу энг яхши ғалабали серия. "ПСЖ" 2021 йилдан бери биринчи марта Лига 1да кетма-кет 8 та ғалабага эришди - ўшанда бундай серия Маурисио Почеттино бошчилигида қўлга киритилган эди.

“ПСЖ” Лига 1да пешқадамлик қилмоқда. Кейинги ўйинда улар 13 декабрь куни Чемпионлар лигаси доирасида Дортмунднинг “Боруссия” жамоаси меҳмони бўлади.