"Реал Мадрид" вингери Родриго Гоэс бир ўйинда муваффақиятли дриблинглар сони бўйича мадридликлар учун шахсий рекорд ўрнатди.

Ла Лиганинг 16-туридан ўрин олган "Бетис" билан ўйинда (1:1) 15 та уринишдан сўнг 10 та муваффақиятли дриблингни амалга оширди. "Реал Мадрид"нинг қолган барча ўйинчилари 14 та уринишдан кейин 6 та муваффақиятли дриблингга эришган.

Родриго "Реал"да 2019 йилнинг ёзидан бери ўйнаб келмоқда, ўшанда у "Сантос"дан 45 миллион евро эвазига сотиб олинганди. Жорий мавсумда у 21 ўйинда 9 та гол урди ва 5 та голли узатмани амалга оширди.