Футзал бўйича Ўзбекистон Кубоги чорак финал иштирокчилари номи маълум бўлди.

10-12 январь кунлари Тошкентдаги «Ўзбекистон» спорт мажмуасида футзал бўйича Ўзбекистон Кубоги 1-босқич Шарқ минтақаси ўйинлари бўлиб ўтди. Уч кунлик ўйинлар якунига кўра чорак финалнинг олти иштирокчиси номи маълум бўлди.

«А» гуруҳидан Тошкентнинг «Ардус» ва ЎзСҚБ жамоалари чорак финалга чиқишди. «В» гуруҳидан эса, олдиндан билдирилган тахминларни оқлаб, мос равишда 1- ва 2-ўринларни эгаллаган «Бунёдкор» ва «Максам-Чирчиқ» жамоалари кейинги босқичга чиқишди. «Локомотив» ҳамда «ЎзСҚБ Юнусобод» жамоалари эса «С» гуруҳи ғолибларига айланишди.

Қайд этиш жоиз, чорак финалда юқорида номлари зикр этилган жамоаларга Кубокнинг Ғарб минтақасидаги баҳсларида ғолиб чиққан «Когон» ҳамда «Строитель-Зарафшон» жамоалари қўшилади. Чорак финал ўйинлари эса 31 январь – 2 февраль кунлари Тошкентда бўлиб ўтади.

Ўзбекистон Кубоги, чорак финал
31 январь – 2 февраль
«Ардус» - «ЎзСҚБ Юнусобод»
«Бунёдкор» – «Строитель-Зарафшон»
«Локомотив» - «ЎзСҚБ»
«Когон» – «Максам-Чирчиқ»

Ўзбекистон Кубоги 1-босқич Шарқ минтақаси баҳслари натижалари
10 январь, пайшанба
«Локомотив» – «ЎзСҚБ Юнусобод» 11:5
«Бунёдкор-2» – «ТШТТ» 3:4
«Максам-Чирчиқ» – «Гулистон» 5:3
«Бунёдкор» – «EastRoad» 19:2
«Ардус» – «Спартак» 9:0
«ЎзСҚБ» – «Пахтакор» 7:1

11 январь, жума
«Локомотив» – «Бунёдкор-2» 12:4
«ЎзСҚБ Юнусобод» – «ТШТТ» 7:5
«EastRoad» – «Гулистон» 7:10
«Бунёдкор» – «Максам-Чирчиқ» 4:4
«Ардус» – «ЎзСҚБ» 6:2
«Спартак» – «Пахтакор» 4:5

12 январь, шанба
«ТШТТ» – «Локомотив» 0:9
«Бунёдкор-2» – «ЎзСҚБ Юнусобод» 1:5
«Гулистон» – «Бунёдкор» 1:8
«Пахтакор» – «Ардус» 5:9
«Максам-Чирчиқ» – «EastRoad» 6:3
«ЎзСҚБ» – «Спартак» 4:2