"Атлетико Мадрид"нинг ҳужумкор ўйинчилари Алваро Мората ва Антуан Гризманн жорий мавсумда ўз клуби учун ноёб ютуқни қўлга киритишди. Европанинг энг кучли 5 та лигаси вакиллари орасида иккита футболчиси 13 ва ундан ортиқ гол урган биринчи жамоа бўлди. Рейтингни тузишда клубнинг нафақат Испания чемпионатидаги, балки барча турнирлардаги барча расмий ўйинлари ҳисобга олинди.
Opta Sports хабарига кўра, Мората бугун "Алмерия" дарвозасига мавсумдаги 13-голини киритди. Шунингдек, Гризманн аллақачон 13 та гол урган.
“Матрасчилар” Испанияда 15 турдан кейин 34 очко билан учинчи ўринда бормоқда.