Марокаш ва "Севилья" клуби марказий ҳужумчиси Юсуф Эн-Несири "Милан"нинг трансферлар рўйхатида қолмоқда.
Манбанинг хабарига кўра, Италия топ-клуби футболчини трансфер қилиш бўйича яна бир таклиф билан чиқиш ниятида. "Россонери" ўтган ёздаёқ Юсуфни қўлга киритишга уриниб кўрди, аммо кейин келишув амалга ошмай қолди.
Эн-Несирининг бозор нархи 20 миллион еврога баҳоланмоқда. Марокашлик футболчининг "Севилья" клуби билан тузган меҳнат шартномаси 2025 йилнинг июн ойи охирида тугайди.
Испания чемпионатининг жорий мавсумида ҳужумчи 14 та ўйинда майдонга тушиб, 5 та гол урди.
