Туркиянинг «Галатасарой» клуби «Интер» яримҳимоячиси Уэсли Снейдерга ултиматум қўйди. Бу ҳақда «Sky Sports Italia» нашри хабар тарқатди.
«Сариқ-қизиллар» раҳбарияти футболчини 22 январга қадар бир тўхтамга келишини сўрашган. Агар шу муддат ичида Снейдер бир қарорга келмаса «Галатасарой» музокараларни тўхтатмоқчи.
Эслатиб ўтамиз, «Интер» футболчини «Галатасарой»га сотишга рози бўлган, бироқ футболчининг ўзи бу таклифни қабул қилаётгани йўқ.