"Бавария" бош мураббийи Томас Тухель жамоанинг расмий матбуот хизматига клуб ҳужумкор ярим ҳимоячи Серж Гнабрини жуда узоқ вақтга йўқотганини тасдиқлади.
"Серж камида саккиз ҳафтага сафдан чиқди. Ҳа, бу жуда узоқ. У машғулотларда яхши ҳолатда эди", - дейди Тухель.
Эслатиб ўтамиз, Гнабри шу дам олиш кунлари Франкфуртнинг “Айнтрахт” жамоасига қарши ўйинда (1:5) майдонга тушган, бироқ бир-икки дақиқадан сўнг у йиқилиб, сонини ушлаб олганди. Жорий мавсумда жароҳатлардан азият чекаётган Серж ўйинни давом эттира олмади.
Жорий мавсумда 28 ёшли Гнабри 11 та расмий ўйин ўтказиб, битта гол урди – Чемпионлар лигасида.
