"Анқарагужу" матбуот хизмати ҳакамнинг клуб президенти томонидан калтакланиши билан боғлиқ воқеадан сўнг узр сўраганини эълон қилди.
"Ризеспор" билан 15-тур учрашувидан кейин (1:1) "Анқарагужу" президенти Фарук Кожа майдонга югуриб чиқди ва ҳакам Ҳалил Умут Мелернинг юзига зарба берди. Ҳакам майдонга йиқилиб, яна бир неча зарбалар олди. Жароҳат олган ҳакам шифохонага етказилган.
"Биз бугун кечқурун содир бўлган воқеадан қайғудамиз. "Эрьяман" стадионида “Ризеспор” билан ўйиндан кейин юз берган қайғули воқеа учун Туркия футбол жамоатчилиги ва бутун спорт жамоатчилигидан узр сўраймиз", — дейилади ижтимоий тармоқларда эълон қилинган баёнотда.
