"Милан" ва Швеция терма жамоасининг собиқ ҳужумчиси Златан Ибраҳимович Италия клубига операцион ҳамкор ва жамоа хўжайинларининг катта маслаҳатчиси сифатида қайтгани ҳақида фикр билдирди.
“Мен уларнинг спорт, оммавий ахборот воситалари ва кўнгилочар соҳалардаги сармоявий фаолиятига ўз ҳиссамни қўшишни интиқлик билан кутаман... "Россонерилар"га бўлган муҳаббатим ҳеч қачон сўнмайди ва уларнинг келажагининг муҳим қисми бўлиш имконияти мен фақат орзу қилган нарсадир... Мен ўйиндан кейинги фаолиятимдаги илк қадамлар ҳақида узоқ ва қаттиқ ўйлаб кўрдим ва бу саёҳатни Red Bird ва "Милан" билан бошлаганимдан жуда хурсандман", - дея Ибраҳимовичнинг сўзларини келтиради Tuttomercatoweb.
Италия чемпионатининг жорий мавсумида 15 турдан сўнг “Милан” 29 очко жамғариб, турнир жадвалида учинчи ўринда бормоқда.
