Ҳимоячи ва "Челси"нинг собиқ сардори Тьяго Силва жамоасининг сўнгги ўйинлардаги муваффақиятсизликлари ҳақида гапирди.
"Биз сўнгги ўйинлардаги натижалар идеалдан йироқ эканини тушунамиз. Жамоадаги барча футболчилар ҳам худди мухлисларимиз каби ҳафсаласи пир бўлган. Бундай муваффақиятсизликлар учун ҳеч қандай баҳона йўқ. Биз "Челси"ни аввалги шон-шуҳратига қайтариш учун кўп меҳнат қилишда давом этишимиз керак. Бирлашиш вақти келди!" — деб ёзди Силва ижтимоий тармоқларида.
"Челси" айни дамда Англия чемпионати турнир жадвалида 12-ўринни эгаллаб турибди. Жамоа 16 турдан кейин 19 очко жамғарган.
