Футболчи Кайо Энрике де Лима Бразилиядаги ўйин вақтида чақмоқ уриши оқибатида вафот этди. Спортчи 21 ёшда эди, яна олти нафар футболчи жароҳат олган, деб хабар берди Бразилиянинг Globo нашри.
"21 ёшли Кайо Энрике де Лима Гонсалвес исмли футболчи Санто Антониодаги "Платинада" стадионда футбол ўйини чоғида чақмоқ уриши оқибатида вафот этди”, — дейилади материалда.
Футболчи "Униау Жапиренсе" ҳаваскорлар жамоасида ўйнаган. Парана штатида минтақавий ҳаваскорлар кубоги мусобақаси вақтида ёмғир ёғди. Ўйин давомида чақмоқ чақди. Ҳодиса оқибатида ўша пайтда майдонда бўлган яна олти нафар футболчи жароҳат олди. Футболчилар касалхонага ётқизилган.
Ҳозирда жароҳат олган беш футболчи шифохонада шифокорлар назоратида қолмоқда. Яна бир спортчи эса оғирроқ аҳволда касалхонага ётқизилган. Қайд этилишича, барча жабрланганларнинг танаси куйган.
Маҳаллий ёнғин хавфсизлиги хизмати маълумотларига кўра, йилнинг шу даврида иқлимнинг беқарорлиги туфайли момақалдироқ ва чақмоқ уриши эҳтимоли жуда юқори.
