«Унион Берлин» бош мураббийи Ненад Бьелица УЕФА Чемпионлар лигаси гуруҳ босқичи 6-турида «Реал»га қарши ўйиндан сўнг журналистлар билан суҳбатлашди. Немислар 2:3 ҳисобида мағлуб бўлишди.
«Рақиб мени майдонда кўп ҳаракатланишга мажбур қилди. Шу билан бирга футбол савияси бўйича ҳам улардан унчалик кам эмаслигимизни кўрсатдик.
Мағлубиятга учраганимизга қарамай, ғалаба қозонишимиз мумкин эди. Чемпионлар лигасидаги муваффақиятсизликдан сўнг «Унион» бор эътиборини Бундеслигага қаратади.
Бундай рақибларга қарши ўйнаш бизга ёрдам бериши керак», - дея мутахассисдан иқтибос келтиради УЕФА матбуот хизмати.
