Чемпионлар лигаси гуруҳ босқичининг 6-тури доирасидаги ўйинда «Манчестер Юнайтед» ўз майдонида «Бавария»ни қабул қилди. Учрашув «манкунианликлар»нинг 0:1 ҳисобидаги мағлубияти билан якунланди.
Эслатиб ўтамиз, «қизил иблислар» 2023/2024 йилги мавсумда ўтказган ўйинларининг роппа-роса ярмида мағлуб бўлган. Эрик тен Хаг шогирдлари 24 учрашув ўтказиб, 12 марта мағлубият аламини тотиб кўрган. Шунингдек, жамоа ҳисобида 11 ғалаба ва битта дуранг бор.
«Манчестер Юнайтед» ўз гуруҳида охирги ўринни эгаллади ва Чемпионлар лигасидаги иштирокини якунлади. Клуб олти турда бор йўғи тўрт очко тўплади.
Хўш, энди ҳам раҳбарият нидерланд ҳақида оптимистик қарашини давом эттирадими?
