"Реал" мураббийи Айтор Каранка Испания чемпионати 20-турида "Валенсия"га қарши ўйиндан (5:0) сўнг фикрлари билан ўртоқлашди.
"Бу мавсумда Жозе Моуриньо жамоа ўйинини яхшилашга ҳаракат қилаётганимизни бир неча бор таъкидлаган эди. Бунинг учун ҳар нарса қиляпмиз. Менимча, биз тўғри йўлдамиз, аммо янада юксалишимиз керак. Жамоа ўзига бўлган ишончни қайтара олиши керак.
"Валенсия"га қарши кубок учун жавоб ўйинида умуман бошқача ўйин бўлади. Биз биринчи учрашувдаги устунликни (2:0) ҳимоя қилишимиз керак бўлади. Қўлга киритилган ютуқлар билан чегараланиб қолмаслик керак. Ишонаманки, рақиб бошқача ўйин кўрсатади.
Бизнинг мақсадимиз, ўтган йилги натижаларимизга яқинлашишимиздан иборат", - дея Каранканинг сўзларини келтиради клуб расмий сайти.
