«Бавария» бош мураббийи Томас Тухель яна бир бор ҳужумчи Харри Кейнни мақтади. Кеча англиялик футболчи Кингсли Команга ассист берди ва жамоасига Чемпионлар лигаси гуруҳ босқичида «Манчестер Юнайтед» устидан кичик ҳисобда ғалаба қозонишга ёрдам берди.
«Кейн – ҳар доим ўзининг характери, хотиржамлиги ва сифати билан майдонда бошқалардан фарқ қиладиган ўйинчи.
Жамоа Харри энг юқори даражада бўлганида, ҳар қандай дақиқада нимадир содир бўлиши мумкинлигини билади.
У ҳар доим гол уриши ёки голли узатма бериши мумкин. Менимча, Кейн жамоамизнинг энг яхши етакчиларидан бири», - деди Тухель матбуот анжуманида.
