«Bavariya» bosh murabbiyi Tomas Tuxel yana bir bor hujumchi Xarri Keynni maqtadi. Kecha angliyalik futbolchi Kingsli Komanga assist berdi va jamoasiga Chempionlar ligasi guruh bosqichida «Manchester Yunayted» ustidan kichik hisobda g‘alaba qozonishga yordam berdi.
«Keyn – har doim o‘zining xarakteri, xotirjamligi va sifati bilan maydonda boshqalardan farq qiladigan o‘yinchi.
Jamoa Xarri eng yuqori darajada bo‘lganida, har qanday daqiqada nimadir sodir bo‘lishi mumkinligini biladi.
U har doim gol urishi yoki golli uzatma berishi mumkin. Menimcha, Keyn jamoamizning eng yaxshi yetakchilaridan biri», - dedi Tuxel matbuot anjumanida.
