Англиянинг “Вулверхэмптон” клуби Хван Хи Чхан билан янги шартнома борасида келишиб олди. Бу ҳақда Фабрицио Романо ижтимоий тармоқларда хабар бермоқда.
"Янги шартнома 2028 йилнинг июнига қадар амал қилади ва кейинги мавсумгача узайтирилиши мумкин. Янги келишув эса уни клубнинг энг кўп маош олувчи футболчилари билан бир даражага кўтаради", - деб ёзади Романо.
27 ёшли жанубий кореялик футболчининг "бўрилар" билан амалдаги шартномаси 2026 йилнинг 30 июнига қадар тузилган. Жорий мавсумда у 17та расмий ўйинда 9та гол урди ва 2та голли узатмани амалга оширди.
Transfermarkt портали осиёлик футболчини 18 миллион еврога баҳоламоқда.
