Вендерсон Галено «Порту»нинг Чемпионлар лигаси плей-офф босқичига чиққанини юқори баҳолади.

«Аждарлар» ярим ҳимоячиси гуруҳ босқичининг 6-туридан ўрин олган «Шахтёр»га (5:3) қарши ўйиндан сўнг ўз фикрларини билдириб ўтди.

«Ҳар бир учрашувда муваффақият қозониш учун ҳар куни ишлайман. «Шахтёр»га қарши ўйинда яна дубл қайд этишга муваффақ бўлдим ва бундан жуда хурсандман.

Гуруҳ босқичининг бошиданоқ қилган ҳаракатларимиз эвазига бу таркиб ғалабага лойиқ эди. Биз ҳеч қачон дуранг учун ўйнамаганмиз, гарчи бу натижа бизга мос бўлсада.

Мураббий бу ўйин ҳам худди финалдек бўлишини ва биз ғалаба қозонишимиз кераклигини айтди. Миссия бажарилди.

Бизга қуръада тушган ҳар қандай жамоа билан курашамиз. Ажойиб жамоалар бор, лекин биз ҳам жуда кучлимиз.

Мураббийимиз ҳар доимгидек бизни бу ўйинларга жуда яхши тайёрлайди. Биз кутамиз ва кўрамиз», - деди Галено.