Мюнхеннинг "Бавария" клубида Томас Тухелнинг ёрдамчиси бўлиб ишлаётган Энтони Барри тез орада Ирландия терма жамоасини бошқариши мумкин.
Bild нашрининг хабарига кўра, мутахассис Ирландия терма жамоаси бош мураббийи лавозимига асосий номзодлар рўйхатидан жой олган.
Қайд этилишича, ҳозирча бу лавозим учун фаворит Англия ёшлар терма жамоасини бошқараётган Лии Карсли ҳисобланади. Агар Ирландия Баррини таклиф қилишга қарор қилса, жамоа "Бавария"га товон пули тўлаши керак бўлади. Немислар аввалроқ Энтони Тухелнинг мураббийлар штабига қўшилиши учун "Челси"га бир миллион евро тўлаганди.
Эслатиб ўтамиз, Барри "Челси"да ҳам Тухелнинг ёрдамчиси бўлган. Ҳар икки мутахассис "кўклар" сафида 2021 йилда Чемпионлар лигасида ғалаба қозонишди.
