Испаниянинг “Вильярреал” клуби Лондоннинг “Арсенал” клуби ҳимоячиси Седрик Соарешга эътибор қаратмоқда. Журналист Жеймс Оллининг хабарига кўра, "сариқ сувости кемаси" португалияликнинг трансферини амалга ошириш учун тез орада "канонирлар" билан музокараларни бошлайди.
Шунингдек, манбанинг хабар беришича, Соарешга ҳозирча исмлари ошкор этилмаган турк клубларидан ҳам қизиқиш бор. Шу билан бирга, "Вильярреал"да январь ойидаги ойнада трансферни амалга ошириш учун кўпроқ имконият бор.
Соареш жорий мавсумда Англия Премьер-лигасида бирорта ҳам ўйин ўтказмади.
