Ispaniyaning “Vilyarreal” klubi Londonning “Arsenal” klubi himoyachisi Sedrik Soareshga e’tibor qaratmoqda. Jurnalist Jeyms Ollining xabariga ko‘ra, "sariq suvosti kemasi" portugaliyalikning transferini amalga oshirish uchun tez orada "kanonirlar" bilan muzokaralarni boshlaydi.
Shuningdek, manbaning xabar berishicha, Soareshga hozircha ismlari oshkor etilmagan turk klublaridan ham qiziqish bor. Shu bilan birga, "Vilyarreal"da yanvar oyidagi oynada transferni amalga oshirish uchun ko‘proq imkoniyat bor.
Soaresh joriy mavsumda Angliya Premyer-ligasida birorta ham o‘yin o‘tkazmadi.