Киевнинг “Динамо” клуби собиқ бош мураббийи Мирча Луческу ҳозирда ПАОКни бошқараётган ўғли Разван Луческунинг муваффақиятини қандай кузатиши ҳақида гапириб берди.
“Развандан ажойиб натижа. У Конференциялар Лигасида ақл бовар қилмайдиган муваффақиятга эришди, бир ярим йил аввал Европа Лигасида ғолиб чиққан “Айнтрахт Франкфурт”ни икки марта мағлуб этди.
Ушбу гуруҳдаги ўйинлари туфайли ПАОК бутун Европа футболи эътиборини тортди. Мен ҳозир Грециядаман. Мен учун футболсиз яшаш қийин", - деди Луческу.
Кичик Луческу жамоаси 16 очко жамғариб, Конференциялар лигаси гуруҳида биринчи ўринни эгаллади. 14 декабрь куни жамоа гуруҳнинг сўнгги турида Финляндия ХИК жамоасини мағлуб этди (4:2).
