Мадриднинг "Реал" клуби "Сандерленд" ярим ҳимоячиси, Жуднинг укаси Жоб Беллингемга кўз тикди. Sport.es хабарига кўра, Жоб ёзда "Сандерленд"га кўчиб ўтганидан сўнг, "Қироллик клуби" раҳбариятини ўзининг ўйинлари билан ҳайратда қолдирган.
18 ёшли Жоб Беллингем жорий мавсум Англиянинг иккинчи дивизионида тўртта гол урди ва бир голли узатмани амалга оширди. Аввалроқ, футболчига Лондоннинг "Тоттенхэм" клуби ҳам қизиқиш билдираётган эди.
Эслатиб ўтамиз, Жуднинг ўзи ёзда "Боруссия Дортмунд"дан "Реал"га ўтган эди. 20 ёшли инглиз футболчиси 12 та гол билан Ла Лиганинг энг яхши тўпурари бўлиб турибди.













