Madridning "Real" klubi "Sanderlend" yarim himoyachisi, Judning ukasi Job Bellingemga ko‘z tikdi. Sport.es xabariga ko‘ra, Job yozda "Sanderlend"ga ko‘chib o‘tganidan so‘ng, "Qirollik klubi" rahbariyatini o‘zining o‘yinlari bilan hayratda qoldirgan.
18 yoshli Job Bellingem joriy mavsum Angliyaning ikkinchi divizionida to‘rtta gol urdi va bir golli uzatmani amalga oshirdi. Avvalroq, futbolchiga Londonning "Tottenxem" klubi ham qiziqish bildirayotgan edi.
Eslatib o‘tamiz, Judning o‘zi yozda "Borussiya Dortmund"dan "Real"ga o‘tgan edi. 20 yoshli ingliz futbolchisi 12 ta gol bilan La Liganing eng yaxshi to‘purari bo‘lib turibdi.
