"Манчестер Юнайтед" вингери Маркус Рэшфорд "Бавария" билан охирги Чемпионлар лигаси ўйинини (0:1), шунингдек, норовирус деб аталадиган ўткир вирусли ичак инфекцияси туфайли "қизил иблислар"нинг бир неча машғулотларини ўтказиб юборди. Бу ҳақда Daily Mail нашри хабар бермоқда.

Манба берган хабарга кўра, англиялик футболчи ҳозирда ўзини яхши ҳис қилмоқда ва у аллақачон клубнинг асосий жамоаси билан машғулотларга қайтган.

Норовирус кўпинча йилнинг совуқ ойларида пайдо бўлади, шунинг учун у "қишки қусиш" деб аталади. Унинг белгилари кўнгил айниши, қусиш ва иситма шаклида ўзини намоён қилади. Ушбу вирус юқори даражадаги юқумли касаллик билан тавсифланади.

Жорий мавсумда Рэшфорд барча турнирларда 20 та ўйинда қатнашиб, 2 та гол ва 4 та голли узатмага муаллифлик қилган.