Италия терма жамоаси бош мураббийи Лучано Спалетти рақамлаштириш жараёни футболчилар учун зарарли, деб ҳисоблайди.
"Бугунги кунда виртуал оламнинг маккорлиги муаммоси мавжуд бўлиб, у ўзини реал ўзаро таъсирлардан иборат жисмоний дунёга қарама-қарши қўяди. Ҳозир баъзи футболчилар шунчаки футболдан кўра фэнтези-футбол ўйнашни ёқтиришади. Уларга қандай фарқ борлигини тушунтириш керак. Биз шу йўналишда ишлаяпмиз", - деди Спаллетти La Gazzeta dello Sport билан суҳбатда.
Эслатиб ўтамиз, Спалетти ўтган ёзда Италия терма жамоасини қабул қилиб олганди. Спаллетти Италия терма жамоаси билан биргаликда 2024 йилнинг ёзида Германияда бўлиб ўтадиган Европа чемпионатига йўлланмани қўлга кирита олди.
Фэнтези-футболи виртуал интеллектуал стратегия ўйини бўлиб, унинг моҳияти шундаки, ҳар бир иштирокчи менежерга айланади ва ўзининг ҳақиқий футболчиларидан иборат жамоасини йиғади.
