"Манчестер Юнайтед" бош мураббийи Эрик тен Хаг ҳужумчи Расмус Хёйлунднинг ўйини ҳақида фикр билдирди. 20 ёшли даниялик ҳужумчи ёзда "Аталанта"дан 75 миллион евро эвазига жамоага ўтган эди.
"У Чемпионлар лигасида энг юқори савияда 5 та гол урди. Бу ёш футболчининг ажойиб ўйини бўлиб, унинг салоҳияти дарҳол намоён бўлди. Ишончим комилки, Хёйлунд яқинда Премьер-лигадаги илк голларини уради. Мен унинг машғулотларда ҳамма кучини қандай сарфлаётганини кўряпман" - деди Тен Хаг матбуот анжуманида.
Эслатиб ўтамиз, “Манчестер Юнайтед” сўнгги икки ўйинда бирорта ҳам гол урмасдан мағлуб бўлганди. Эртага тен Хаг жамоаси меҳмонда АПЛ пешқадами "Ливерпуль" билан учрашади.
