Италия чемпионатининг ўн олтинчи турида «Милан» йирик ғалабага эришди, Стефано Пиоли шогирдлари «Монца» дарвозасига жавобсиз учта тўп киритиб, Туриннинг «Ювентус» жамоаси билан фарқни қисқартирди.
«Милан»нинг биринчи голи муаллифи голландиялик ярим ҳимоячи Тижани Рейндерс бўлиб, ўйин натижаларига изоҳ берди.
«Биз «Аталанта»га ютқаздик, аммо бугун яна ғалаба қозондик, энди кайфиятимиз бошқача. «Сан-Сиро»даги голдан хурсандман, бу стадионда ўйнаш катта шараф.
Мавсум ҳали тугамади, шунинг учун биз скудетто орзусидан воз кечмаймиз», деди Рейндерс.
