Лондоннинг "Арсенал" клуби "Салернитана" ҳужумчиси Булайе Диани ўз сафига қўшиб олмоқчи, дея хабар бермоқда Tribal Football нашри.
Манбага кўра, итальян клуби 27 ёшли сенегаллик футболчини 22 миллион еврога сотиш имкониятини кўриб чиқишга тайёр.
Шунингдек, Диа трансфери учун "Эвертон" ҳам кураш олиб боради.
Диа 2023 йилнинг июлида "Вильярреал"дан "Салернитана"га кўчиб ўтганди. Трансфер суммаси 12 миллион еврони ташкил этди. Ўйинчининг клуб билан шартномаси 2026 йилнинг ёзига қадар мўлжалланган. Transfermarkt портали ҳужумчини 22 миллион еврога баҳоламоқда.
Жорий мавсумда Диа 12 та ўйин ўтказиб, 4 та гол урди.
"Арсенал"да ҳозирда иккита марказий ҳужумчи бор: Габриэль Жезус ва Эдди Нкетиа.
17-турдан сўнг “Арсенал” 39 очко билан Англия чемпионатида пешқадамлик қилмоқда. "Ливерпуль" иккинчи ўринда (38 очко).
