Мадриднинг "Реал" клуби жароҳат олган марказий ҳимоячи Давид Алаба ўрнига янги футболчи излашга қарор қилди. Эслатиб ўтамиз, австриялик футболчи тиззасидаги хочсимон боғлами йиртилгани сабабли мавсумнинг қолган қисмини ўтказиб юборади.

Marca нашри хабарига кўра, "Қироллик клуби" раҳбарияти Лиссабоннинг "Бенфика" клуби марказий ҳимоячиси Антонио Силвани ўзининг асосий мақсади сифатида кўрмоқда. Португалиялик футболчини январь ойида сотиб олиш қийин бўлади, чунки "бургутлар" мавсум ўртасида асосий ўйинчиларидан бири билан хайрлашишни истамайди.

Эслатиб ўтамиз, Силва аввалроқ "Манчестер Юнайтед" ва бошқа Европанинг топ-клублари манфаати доирасида эди.