"Челси" бош мураббийи Маурисио Почеттино яна бир бор Лига кубогининг аҳамияти ҳақидаги саволга жавоб берди.
Aргентиналик мураббий ўз жамоаси учун турнирда муваффақият қозониш муҳимлигини бир неча бор таъкидлаган. "Кўклар" сешанба куни "Ньюкасл"га қарши ярим финал йўлланмаси учун курашади.
"Нега кимдир бу мусобақани Микки Маус кубоги деб атаганини билмайман. Биз, албатта, бу ёндашувга қаршимиз.
Мен ўн йилдан ортиқ вақтдан бери жамоаларнинг Лига кубогидаги ғалабаларини ўзгача руҳда нишонлаётганини кузатаман.
Бу бизнинг мақсадларимиздан бири бўлиб қолмоқда", - дея Почеттинодан иқтибос келтиради Mail Sport.
