"Chelsi" bosh murabbiyi Maurisio Pochettino yana bir bor Liga kubogining ahamiyati haqidagi savolga javob berdi.
Argentinalik murabbiy o‘z jamoasi uchun turnirda muvaffaqiyat qozonish muhimligini bir necha bor ta’kidlagan. "Ko‘klar" seshanba kuni "Nyukasl"ga qarshi yarim final yo‘llanmasi uchun kurashadi.
"Nega kimdir bu musobaqani Mikki Maus kubogi deb ataganini bilmayman. Biz, albatta, bu yondashuvga qarshimiz.
Men o‘n yildan ortiq vaqtdan beri jamoalarning Liga kubogidagi g‘alabalarini o‘zgacha ruhda nishonlayotganini kuzataman.
Bu bizning maqsadlarimizdan biri bo‘lib qolmoqda", - deya Pochettinodan iqtibos keltiradi Mail Sport.
