"Флуминенсе" ва Бразилия терма жамоаси ярим ҳимоячиси Aндре Aнглия премьер-лигасида ўйнашни хоҳлашини тан олди.
22 ёшли футболчига “Ливерпуль”, Лондоннинг “Aрсенал” ва Европа футболининг бошқа гигантлари қизиқмоқда.
"Флуминенсе" клублар ўртасидаги жаҳон чемпионати финалига чиққанидан сўнг, ярим ҳимоячи келажаги ҳақидаги саволга жавоб берди.
"Мен Премьер-лига ўйинларини томоша қиламан ва менинг катта орзуим бир кун келиб у ерда ўйнаш. Энди бор эътиборимни “Флуминенсе” билан мавсумни ижобий якунлаш ва клублар ўртасидаги жаҳон чемпионатида ғолиблик учун курашишга қаратганман.
Aммо келажакдаги орзуим - Премьер-лигада ўйнаш", - дея Aндренинг сўзларини келтиради журналист Бен Жейкобс.
