"Реал Мадрид" ўзининг собиқ марказий ҳимоячиси, "Манчестер Юнайтед"да учинчи мавсумини ўтказаётган Рафаэль Варан трансферини амалга оширмоқчи эмас. Бу ҳақда "El Larugero" хабар берди.
Эслатиб ўтамиз, "Қироллик клуби" яқинда тиззасидан олган жароҳати туфайли мавсум охиригача майдонга тушмайдиган ҳимоячиси Давид Алабадан айрилди. Варан "Манчестер Юнайтед" жамоасидаги барқарор ўрнини йўқотди ва унинг шартномаси келаси ёзда тугайди. Шу сабабли матбуот франциялик футболчини “Сантьяго Бернабеу”га қайтиши ҳақида янгиликлар чиқарди.