Сэр Жим Рэтклифф "Манчестер Юнайтед" хўжайинига айланишга яқин турибди. Daily Mail нашрининг ёзишича, келишув европаликлар 25 декабрда нишонланадиган Рождество байрами олдидан эълон қилиниши мумкин.
Аввалроқ матбуотда Рэтклифф келиши билан "Манчестер Юнайтед" бошқарув қароргоҳида жиддий ўзгаришлар бўлиши мумкинлиги ҳақида хабар берилганди. Янги хўжайин бош мураббийни алмаштиришга қарор қилиши мумкин. Эрик тен Хаг сўнгги пайтларда, хусусан, жамоанинг еврокубоклардан эрта чиқиб кетгани туфайли босим остида қолган.
Айни вақтда "Манчестер Юнайтед" Англия чемпионати турнир жадвалида 7-ўринда бормоқда.
