"Барселона" бош мураббийи Хави Эрнандес Каталония клуби январь ойида янги ярим ҳимоячи билан таркибни кучайтириши мумкинлигини айтди. "Кўк-анорранглилар" мавсумнинг қолган қисмида тиззасидан жароҳат олган ярим ҳимоячиси Гавини ўрнига янги футболчи олмоқчи.

"Биз жамоани кучайтириш имкониятларини кўриб чиқяпмиз. Бизга профили Гавига ўхшаш футболчи керак, аммо бу қийин. Келинг, молиявий фэйр-плей билан нима қилишимиз мумкинлигини кўриб чиқайлик. Биз президент Лапорта ва спорт директори Деку билан таркибни кучайтириш устида ишлаяпмиз”, - деди Хави Испания чемпионатида “Альмерия” билан ўйин олдидан ўтказилган матбуот анжуманида.