"Barselona" bosh murabbiyi Xavi Ernandes Kataloniya klubi yanvar oyida yangi yarim himoyachi bilan tarkibni kuchaytirishi mumkinligini aytdi. "Ko‘k-anorranglilar" mavsumning qolgan qismida tizzasidan jarohat olgan yarim himoyachisi Gavini o‘rniga yangi futbolchi olmoqchi.
"Biz jamoani kuchaytirish imkoniyatlarini ko‘rib chiqyapmiz. Bizga profili Gaviga o‘xshash futbolchi kerak, ammo bu qiyin. Keling, moliyaviy feyr-pley bilan nima qilishimiz mumkinligini ko‘rib chiqaylik. Biz prezident Laporta va sport direktori Deku bilan tarkibni kuchaytirish ustida ishlayapmiz”, - dedi Xavi Ispaniya chempionatida “Almeriya” bilan o‘yin oldidan o‘tkazilgan matbuot anjumanida.
